Neujahrmatinee beim TV64 – ein Gedicht von Oskar Hardung

Vielen Dank lieber Oskar für das wunderschöne Gedicht im kurpfälzer Dialekt! Kurz gesagt: Wer das versteht, gehört dazu. Und wer’s nicht versteht, darf gern zu uns in den Verein kommen und es live lernen.

Ehrungsmatinee beim TV 64

Der Vorstand, also der Ati Sananikone hod eugelade,

er mähnt er det om Sunndag in der Lore Echhorn Halle

uff misch un a onnere Laid wade.

Also mach ich misch uff die Sogge,

dass der rührische Monn näd allä dud do hogge.

Doch was bild isch mir oi, isch bin baff,

als ich von der Hall die Tür uffmach.

Laid was Laid, a die Lore schdeht zum Empfang bereit.

Eltern mit ihre Kinna groß un klä,

die Halle dekoriert a Disch un Bänk zum sitze awa

a Stehdisch wo die Laid drumrum dune stäh.

Uff da Bühn macht die Musikschul mit junge Laid die Begrüßung,

Schüler mit Posaune, Pia mit Gesang un Danz mit Schwung.

A die die TV Kinna Gruppe Hip-Hop, glänzde doll, ware top.

Der Vorstand Ati begrüßt alle Laid im Saal,

der Ali (Andreas) wirkt schunn im Hinnagrund

dem ist der Dag jo ned egal.

Es werd awa a gebede,

unsa Demokratie zu erhalte un rischdisch zu wehle.

Isch loss misch net so gern digdiere,

awa do muss isch gonz feschd applaudiere.

A unser OB Matthias Steffan dud schwetze un den TV lowe,

er verspricht Hilfe, dass die viele Mitglieder un Kinna

weiterhin kenne dreniere, turne un uffm Schportplatz dowe.

Isch bin baff, wie viel Junge un a Alde, Medallie erunge hawe un die viele Träner, die den Verein am Laufe Halde.

Es gehd Schlag uff Schlag mit Urkunde und Präsende,

isch kumm nimmie mid, du awa fleißisch Applaus Spende.

Ä Glesl Sekt du isch noch dringe, schwetz mid den Laid,

donn geh ich häm, die Kinder kumme zum Esse haid.

Doch uff dem Hämweg du isch noch denge,

denne Ehreamtliche, Frauen un Männer, die den Lade schmeiße,

muss näd bloß der TV 64, ä großes Dongeschäh schenge.

                                          Jan. 2026.                                      O.H.